Sənət dostları Nigarın sözlərini TƏKZİB ETDİ -Opera və Balet Teatrında RÜŞVƏT QALMAQALI

0
40

Azərbaycan Dövlət Akademik Opera və Balet Teatrı ətrafındakı rüşvət qalmaqalı getdikcə böyüyür.
1az.az olke.az-a istinadən xəbər verir ki, “Xəzər” televiziyasında yayımlanan “Hər şey daxil”verilişinin qonaqları xalq artistləri Mənsum İbrahimov, Gülyaz Məmmədova, əməkdar artistlər Təyyar Bayramov, Elnur Zeynalov, İlkin Əhmədov və teatrın baş rejissoru Hafiz Quliyev olub.

Onlar əməkdar artist Nigar Şabanovanın teatr haqqında səsləndirdiyi rüşvət qalmaqalına münasibət bildiriblər.

Sənət yoldaşları teatrla bağlı iddiaları birmənalı şəkildə rədd edərək, belə bir halla heç zaman üzləşmədiklərini bildiriblər. Efirə qoşulan Şabanova isə: “Əgər mənim Leyli obrazına hansısa bir parametrlərə görə uyğun deyiləmsə, teatr kommissiya təşkil etsin. Mən öz potensialıma, yenidən seçimlərdən keçə biləcəyimə əminəm”,- deyə bildirib.
Əməkdar artist Elnarə Abdullayeva da efirə qoşularaq digər xanəndələrin söylədiklərini təsdiqləyərək bildirib ki, teatrda heç vaxt rüşvət barədə eşitməyib, bu halla qarşılaşmayıb.

Qeyd edək ki, əməkdar artist Nigar Şabanova bildirib ki, Leyli obrazına görə teatrın Toma adlı əməkdaşı ondan 5 min manat pul tələb edib.

BİR CAVAB BURAXIN

ŞƏRHİNİZİ DAXİL EDİN!
BURAYA ADINIZI DAXİL EDİN