Şəhid məzarlarına görə həyəcan təbili çaldılar-AZƏRBAYCANDA

0
162

1AZ.AZ xəbər verir ki, Xaçmaz rayonunun Pirquluoba, Qoçaqlı və Yeni həyat kəndlərinin 100-dən artıq sakini Türkiyənin Azərbaycandakı səfiri Erkan Özorala rəsmi məktub göndərib. Sakinlər türk diplomatdan diqqətini Xaçmazın Pirquluoba kəndindəki tarixi türk şəhidlər qəbristanlığına diqqət çəkməsi xahiş edilib. Bildirilib ki, bu kəndin ərazisindəki şəhidlər adlanan – 5 hektara yaxın sahə camaat arasında türk şəhidləri qəbristanlığı kimi tanınır. Yerli əhalinin illərdir bildiyinə görə, burada 1918-ci ildə ermənilərin Quba qəzasına basqını zamanı birgə döyüşdə şəhid olmuş və ya hər hansı xəstəlikdən ölmüş türk əsgərləri basdırılıb. Bu səbəbdən yerli sakinlər bu məzarlığa müqəddəs ziyarətgah kimi tanıyaraq sitayiş ediblər.

Türkiyə səfirinə yazılı məktubda sakinlər qeyd edib ki, 2018-ci ildə Xaçmaz ih başçısı Şəmsəddin Xanbabayevə müraciətdən sonra Milli EA-nın Arxeologiya və Etnoqrafiya İnstitutunun əməkdaşları bu tarixi qəbristanlıqda arxeoloji tədqiqat işləri aparıb. İlkin tədqiqat işləri zamanı burada iki qədim qəbir açılıb tədqiq edilib. Bu qəbirlərdəki insan sümüklərindən götürülən nümunələr Səhiyyə Nazirliyinin Məhkəmə Tibb Ekspertizası və Patoloji Anatomiya Birliyinə göndərilib. Birlyin ekspertlərinin rəyindən də aydın olub ki, bu insan sümükləri 1918-ci ilə aiddir.

Erkan Özorala ünvanlanan məktubda o da bildirilib ki, səfirin özü 2018-ci ilin fevral ayında şimal bölgəsinə səfəri zamanı Xaçmazın Pirquluoba kəndi ərazisindəki türk şəhidləri adlanan tarixi qəbristanlığa da baş çəkib. Sakinlər amma indi bu məzarlığın diqqətdən kənarda qaldığını bildiriblər. Qeyd ediblər ki, bu tarixi qəbristanlıqda 1918-ci ildə ermənilərin basqını zamanı müsəlmanlara köməyə gələn türk əsgərlərinin xatirəsinin əbədiləşdirilməsi məqsədilə dostluq, qardaşlıq, ulu öndər Heydər Əliyevin qeyd etdiyi kimi, bir millət – iki dövlət tarixi kəlamına uyğun olaraq möhtəşəm bir abidə ucaldılması çox yaxşı olardı. Abidə ucaldılsaydı, bunun çox böyük siyasi, tarixi əhəmiyyəti olardı. Təəssüf ki, amma son iki ildə burada heç bir əməli iş görülmədiyi, olduqca aktual olan məsələyə biganə yanaşıldığı da türkiyəli səfirin diqqətinə çatdırılıb.

Yerli sakinlərin cənab Erkan Özorala rəsmi məktub ünvanlamaqla ondan bu məsələni gündəmə gətirməyi, Pirquluoba kəndindəki tarixi türk şəhidləri qəbristanlığında Azərbaycan və Türkiyə xalqları arasında dostluq abidəsinin ucaldılmasında köməklik göstərməsini xahiş edirlər. Səfirə göndərilən məktubu imzalayanlar arasında azərbaycanlılar, ləzgilər və Yeni həyat qəsəbəsində yaşayan Axıska türkləri də var. Ümid edirik ki, Türkiyə dövlətinin Azərbaycandakı təmsilçisi bu həssas və aktual məsələyə -sıravi sakinlərin müraciətinə müsbət reaksiya verəcək.

İstiPress-in şimal bürosu olaraq bildiririk ki, Pirquluoba məzarlığı barədə ilk olaraq mətbuata 2017-ci ilin iyun ayında bizim sayt geniş yazı ilə çıxış edib. Hesab edirik ki, dünyaya “dırnaqarası soyqırım”a məruz qalmalarını car çəkən nankor qonşularımızdan fərqli olaraq Azərbaycan xalqının erməni vəhşiliyinə necə məruz qalmasının canlı sübutu olan belə məzarlıqlar beynəlxalq səviyyədə nə qədər çox tanınsa, təbliğ olunsa, haqlı olduğumuzu dünya ictimaiyyətinə daha tez çatdırmış olarıq. Istipress.com

BİR CAVAB BURAXIN

ŞƏRHİNİZİ DAXİL EDİN!
BURAYA ADINIZI DAXİL EDİN