Türkiyəli idmançı Rza Qayaalp “2019-cu il dünya hərbi oyunları”nda estoniyalı rəqibi Heyki Nabiyə qalib gələrək qızıl medal qazanıb. 1az.az-ın sonxeber.az-a istinadən verdiyi məlumata görə, Rza 130 kilo çəki dərəcəsində dünya çempionu olub. Yarış Çinin Vuhan şəhərində keçirilib. Rza rəqibinə 3-1 hesabı ilə qalib gəlib.
Türk idmançı final oyunundan sonra hərbi salam verib.
Qeyd edək ki, Rza Qayaalp Bakıda 2015-ci ildə keçirilən yarışda qalib gələrək qələbəsini Azərbaycan və Türkiyə bayraqları ilə qeyd etmişdi.
