Rusiyanın Sankt-Peterburq şəhərində əfsanəvi rus şair və yazıçısı Aleksandr Puşkinin iki ilə yaxın müddət ərzində yaşadığı mənzil satışa çıxarılıb. Riyeltorlar klassikin orada 1834-1836-cı illərdə yaşadığını deyir. Bu barədə “Moskva 24” yazıb.
Üç otaqlı mənzil sahilyanı Kutuzova küçəsi, ev 32 ünvanında yerləşən binanın ikinci mərtəbəsindədir. Onun ümumi sahəsi 100 kv.m-ə yaxındır. Otaqların hündürlüyü 4,5 metrə qədərdir. Mənzildə iki sanitar qovşağı var. Pəncərələrdən şəhərin tarixi hissəsinə mənzərə açılır. Mənzilin qiyməti 55 milyon rubldur.(qafqazinfo)
