Sumqayıtda pensiya yaşına çatan məmurlar – Yaş həddi 35-dən 67-yə doğru (ARAŞDIRMA)

0
55

Ölkə prezidenti İlham Əliyevin bir neçə həftə öncə hakimiyyət daxilində islahatların aparılacağı ilə bağlı verdiyi açıqlamalarının ardınca baş verən istefalar artıq ənənəyə çevrilib. Belə ki, dövlət başçısının məlum anonsundan sonra Baş nazirin iki müavininin istefa ərizəsi yazması, prezidentin onları qəbul edərək yüksək ehtiramla yola salması və həmin görüşlərdə səsləndirdiyi fikirlər hakimiyyət komandasında ciddi proseslərin başlamasına rəvac verib. Xatırladaq ki, İlham Əliyev həmin görüşlərdə yaşı 70-dən yuxarı olan yüksək vəzifəli məmurların öz istəkləri ilə tutduğu postdan ayrılmalarının və yerlərini gənc nəslə ötürmələrinin nümunəyə çevriləcəyinə inandığını bildirmişdi. Oxucular üçün maraqlı olacağını nəzərə alaraq Sumqayıtda fəaliyyət göstərən dövlət idarə və müəssisələrinin rəhbərlərinin yaş həddini araşdırdıq.

Sumqayıt şəhər İcra Hakimiyyətinin başçısı Zakir Fərəcov bu il 65 yaşını qeyd edib və o, 4 ildir şəhərə rəhbərlik edir.

Sumqayıt Şəhər Bələdiyyəsini sədri Soltan Əsədovun isə yaşı isə 62-dir.

Beş ildir Sumqayıt şəhərinin prokuroru olan Sərdar İmanovun isə 49 yaşı var.

Sumqayıt şəhər Polis İdarəsinin rəisi Nəriman İmanovun isə yaşı 54-dür.

Sumqayıt Şəhər Məhkəməsinin uzun illər sədri olan 70 yaşlı Zeyqəm Hüseynov isə bu yaxınlarda təqaüdə göndərildi. Hazırda isə sədr vəzifəsinin icrasını məhkəmənin hakimi 56 yaşlı Fikrət Əliyev həyata keçirir.

Sumqayıt Telekommunikasiya Qovşağının rəisi Nəriman Salmanovun isə 56 yaşı var. Təxminən 3 ilə yaxındır ki, qovşağa rəhbərlik edir.

Şəhərimizin ən yaşlı idarə rəhbəri Sumqayıt Şəhər İstilik Təsərrüfatı İdarəsinin müdiri Aftandil Nuriyevdir. 67 yaşlı Avtandil Nuriyev 26 ildir ki, eyni idarədə rəhbər vəzifədə çalışır.

Sumqayıt Avtomobil Nəqliyyatı ilə Sərnişindaşıma İdarəsinin rəisi Tofiq Saydumov da pensiya yaşına çatanlar arasındadır. Onun 65 yaşı var.

Sumqayıt Şəhər “Lift-Servis” Birliyinin rəisi Cümşüd İsmiyevin də az yaşı yoxdur. 63 yaşı olan Cümşüd İsmiyev nə az nə çox, düz 30 ildir ki, Sumqayıt Şəhər “Lift-Servis” Birliyinin rəisi vəzifəsində çalışır.

Sumqayıt şəhər Yaşıllaşdırma İdarəsinin müdiri 65 yaşlı İlyas Həsənov da uzun müddətdir ki, həmin idarədə rəhbərdir. Onun bu müəssisəyə rəhbərliyi 10 ildən yuxarıdır. Yeri gəlmişkən qeyd edək ki, İ.Həsənov bu yaxınlarda öz ərizəsi ilə istefa vermiş Baş nazirin müavini Əli Həsənovun qardaşıdır.

Sumqayıt şəhər Sukanal İdarəsinin rəisi İlqar Yusifoğlu isə 58 yaşındadır.

“Azərişıq” ASC-nin Sumqayıt Regional İdarəsinin baş mühəndisi Arzuman İsmayılov isə daha cavandır. Belə ki, baş mühəndisin 45 yaşı var.

Sumqayıt şəhər Təhsil Şöbəsinin müdiri Arzu Əlizadənin isə yaşı 43-dür.

Sumqayıt şəhər Səhiyyə Şöbəsinin müdir əvəzi Səkinə Sadıxova 53 yaşındadır.

“Azərpoçt”un Sumqayıt poçt filialının rəhbəri Camal Sadıxovun 46 yaşı var. O, Sumqayıt Təcili Tibbi Yardım Xəstəxanasının baş həkimi Rauf Sadıxovun qardaşıdır.

Sumqayıt şəhər Regional Mədəniyyət İdarəsinin rəisi Mehman Şükürov 54 yaşındadır.

Sumqayıt şəhər Gənclər və İdman Baş İdarəsinin rəisi Elgün Hümbətovun isə 35 yaşı var. O, bu idarəyə 1 ildir rəhbərlik edir.

Dövlət Sosial Müdafiə Fondunun Sumqayıt Şöbəsinin müdiri Ceyhun Süleymanov isə 39 yaşındadır.Xeberle.com

BİR CAVAB BURAXIN

ŞƏRHİNİZİ DAXİL EDİN!
BURAYA ADINIZI DAXİL EDİN