Qarabağ veteranı Daxili işlər nazirinə müraciət etdi- “Mənə 2100 manat pul “atıb”, ailəmi şantaj edirlər…”

0
101

1az.az xəbər verir ki, Cəlilabad rayon Muğan kənd sakini, Qarabağ veteranı Qürbətov Bəxtiyar Verxuda oğlu Daxili işlər naziri, general-polkovnik Vilayət Eyvazova şikayət edib.

Müraciətdə deyilir:

Hörmətli cənab nazir!

Sizə bildirəm istəyirəm ki, mən Qürbətov Bəxtiyar Verxuda oğlu ikinci qrup Qarabağ əliliyəm. Ailəmi dövlətin mənə verdiyi əllilik pensiyasıyla dolandırıram. Hökumətimiz məni avtomobillə də təmin edib. Qarabağ əlillərinə göstərdiyi diqqət və qayğıya görə cənab prezidentə təşəkkür edirəm. Başıma gələn hadisə isə öz insanlığım ucbatından baş verib. Belə ki, 2018-ci ilin avqust ayında Söyüdlü kənd sakini, mənimlə guya dostluq münasibəti olan Adıgözəlov Röyal Azad oğlu evimə gələrək qəza törətdiyinə görə digər maşını təmir etdirmək üçün ona pul lazım olduğunu bildirdi. Mən isə ona borc verəcək pulum olmadığını bildirdim. Bir neçə dəfə Röyal bizə gəlib mənə yalvararaq borc pul istədikdən sonra vicdanım yol vermədiyi üçün Kapital Bankdan 2100 (iki min yüz) manat kredit götürərək ona verdim. Röyal Adıgözəlov dedi ki, narahat olma, hər ay 88 manat kredit borcunu özüm banka ödəyəcəm. Röyal Adıgözəlov cəmi üç ay kredit borcunu ödədikdən sonra qalan borcu ödəməkdən boyun qaçırdı. Dəfələrlə zəng vurub xahiş etsəm də, buna məhəl qoymadı. Kapital Bank isə kredit borcu ödənmədiyi üçün hər ayın sonu əlavə 12 manat faizlə 100 manat məbləğində pulu təqaüd kartımdan çıxır.

Hörmətli cənab nazir!

Bununla bağlı Röyal Adıgözəlovun atası Azad Adıgözəlova müraciət etdim, amma o, cavabında bildirdi ki, get, əlindən nə gəlir et, oğlum borcunu qaytarmır. Röyal Adıgözəlov isə kredit ödəməkdən boyun qaçıraraq məni şantaj etməyə başladı. Üzümə duraraq bildirdi ki, guya ona kredit götürdüyüm üçün mənə 200 (iki yüz) manat “əl haqqı” verib. Mən də bu dilbilməz, üzəduran adamla başqa cür danışa bilməyəcəyimi anlayıb Göytəpə Polis Bölməsinə ərizəylə şikayət etdim. Mənim şikayətimdən sonra Röyal Adıgözəlov da bölməyə dəvət edildi və izahatı alındı. O, pulu ödəmək əvəzinə mənim şərəf və ləyaqətimi təhqir edərək Qarabağ veteranı olmadığımı, veteran vəsiqəmin saxta olduğunu bildirdi. Mən isə öz timsalımda onun Qarabağ əlillərini təhqir etməsinə dözməyərək, əsəblərimə hakim ola bilmədim və biz əlbəyaxa dava etdik. Bizi polis əməkdaşları sakitləşdirdi.

Röyal Adıgözəlov bölmədə mənə borclu olduğunu etiraf etsə də, yenə şantaja əl atdı və dedi ki, Bəxtiyarın kürəkəninə pul lazım olduğu üçün o, məndən borcunu istəyir. Təbii ki, bunların hamısı R.Adıgözəlovun uydurduğu əsassız yalanlardır, kürəkənimin bu işə heç bir aidiyyatı yoxdur.

Hörmətli cənab nazir!

Özüm Qarabağ veteranıyam, sol biləyim yoxdur, bədənimin bir neçə yerində qəlpələr var. Qəbul etdiyim dərmanlara görə əsəblərim korlanıb. R.Adıgözəlov kimi adamlar isə məni məcbur edir ki, ya ona, ya da özümə xəsarət yetirim. R.Adıgözəlov işləməsə, bunu başa düşmək olardı. Amma o, yaşadığımız Muğan kəndində tikilən orta məktəbdə usta işləyir. Hər ay 1000 (min manat) pul qazanan bu adam, mənə olan borcunu qaytarmırsa, nə etməliyəm? Mənim sizdən xahişim odur ki, Röyal Adıgözəlova əlimlə verdiyim 2100 (iki min yüz) manat borc pulun alınaraq mənə qaytarılması üçün bu işi şəxsi nəzarətinizə götürmənizi xahiş edirəm. Mən bu xəstə canımla məhkəmələrdə sürünmək istəmirəm. Çünki həmin pulu banka ödəyərək kredit borcunu bağlamalıyam. Əks halda təqaüd kartımdan 2021-ci ilə qədər hər ay 100 manat pul çıxılacaq.ann.az

BİR CAVAB BURAXIN

ŞƏRHİNİZİ DAXİL EDİN!
BURAYA ADINIZI DAXİL EDİN