Almaniyanın İqtisadiyyat və Energetika naziri Peter Altmayer Dortmund şəhərində rəqəmsal iqtisadiyyat sammitində çıxışından sonra 2 metr hündürlükdə olan tribunadan yıxılıb.
İnsident nəticəsində başından zədə alan 61 yaşlı nazir huşunu itirib. Hadisə yerinə çağırılan təcili tibbi yardım briqadasının üzvləri KİV nümayəndələrinin onu o vəziyyətdə çəkməmələri üçün qara örtükdən istifadə ediblər. Zal boşaldılıb.
Nazir Dortmunddakı xəstəxanaların birinə yerləşdirilib. Həkimlər ona baş nahiyyəsinin yırtılması diaqnozunu qoyublar.
