AZTECH şirkətinin əməkdaşları 27.11.2024-cü il tarixində Bakı şəhər Uşaq Onkologiya Mərkəzində müalicə alan uşaqları ziyarət ediblər. Şirkət tərəfindən müalicə alan uşaqlar üçün Mərkəzə MSI CLAW oyun konsolları hədiyyə olunub. Məqsəd videooyunlar oynayaraq, müalicə alan uşaqların ətraf mühitdən və doğmalarından təcridin fəsadlarını minimallaşdırmaq, uşaqları darıxmağa qoymamaq, müalicə zamanı ağrı və həyəcanı azaltmağa kömək etməkdir. AZTECH şirkətinin bu təqdirəlayiq təşəbbüsü ölkəmizdə bir ilk olsa da, dünya təcrübəsində artıq tətbiq olunur.
