Avropa İttifaqının səfiri Azərbaycanda “küçə döyüşləri” ssenarisi hazırlayır

0
39

“Avropa İttifaqının Azərbaycandakı səfiri Kestutis Yankauskas ölkəmiz üçün “küçə döyüşləri ssenarisi” hazırlayır”.

Azərbaycanda iqtidara xüsusi yaxınlığı ilə fərqlənən virtualaz.org saytında Eynulla Fətullayev adlı müəllif belə yazır.

Yazıda deyilir: “Bu yaxınlarda səfir küçə iğtişaşlarının təşkilatçısı, ekstremist Xalq Cəbhəsi partiyasının lideri Əli Kərimli ilə görüş keçirib. Kərimlinin özünün bildirdiyinə görə, K.Yankauskas sistemli sabitliyi pozmağa çalışan və paytaxtda kütləvi çaxnaşmalar yaratmaq istəyən siyasi ekstremsitlərin hərəkətləri ilə tam həmrəylik nümayiş etdirib”.

Bunlardan sonra Fətullayev qənaətini bölüşür: “Əgər Avropa səfiri ekstremistlərin liderinin sözlərini təkzib etməsə və Kərimlinin özü ilə görüş faktını inkar etməsə o zaman Azərbaycan hakimiyyəti həm özü, həm Aİ üçün belə qənaətə gələcək ki, ölkənin legitim hakimiyyətinə qarşı düşməncəsinə xarici siyasət konsepsiyası həyata keçrilir”.

Xatırladaq ki, yazı Milli Şuranın bu il noyabrın 2-nə təyin etdiyi mitinqqabağı yayılıbdır.

BİR CAVAB BURAXIN

ŞƏRHİNİZİ DAXİL EDİN!
BURAYA ADINIZI DAXİL EDİN